Cisco router එකක ios එක upgrade කරන්නෙ කොහොමද ...? ( How to upgrade ios of a cisco router. )

                    මට මේක කරන්න වුනෙත් කලින් වතාවක මම ntop වලට අලුතින් interface එකක් add කරන්න ගිහින් මගෙ router එකේ තිබුන ios එක netflow වලට support කරන්නෙ නැතිව මට ඒක upgrade කරන්න වුනා. ඒපාර මම හිතුව ඒකත් පොඩ්ඩක් දැනගන්න කට්ටියට කිව්වොත් හොදයි කියලා.

 මේකට මුලින්ම අපි ලග තියෙන router එකට ගැලපෙන ios image එකක් තෝරගන්න ඕනෙ. ඒකට ඉතින් router එකේ model එක ගහලා පොඩි search එකක් දන්න වෙයි. මම පවිච්චි කලෙ cisco 1721 router එකක්. ඒකට මම ගත්තෙ C1700-K9o3sy7-Mz 20122-11 20T.bin   router එක. Cisco 1700 සීරියස් එකට free දෙන images  මෙතනින් download කරගන්න. වෙන router එකක් නම් පොඩ්ඩක් search එකක් දාලා බලන්න. හොයාගන්න බැරි වෙන එකක් නෑ. මේකෙදි බලන්න ඕනෙ අපි දාන image එක router එකෙ flash memory එකට හරියනවද වගේ දේවල්. එහෙම ගැලපෙන එකක් හොයගෙන download කලයින් පස්සෙ අපිට ඕන වෙන්නෙ TFTP server එකක්. මේවත් ඕනතරම් download කරන්න තියෙනවා. මම පවිච්චි කලෙ winagents කියලා එකක්. ඒක මෙතනින් download කරන්න. නැත්නම් මෙතනින් TFTP server 6.0 download කරන්න. මේක ඔයාගෙ computer එකේ install කලායින් පස්සෙ ඒකෙ root folder එකට අපේ image එක copy කරලා server එක run කරන්න. මෙතනදි මතක ඇතුව router එක console cable එකකින් connect කරලා තියෙන්න ඕනෙ. console connection එකක් හදාගනිද්දි default settings ඒකියන්නෙ (9600 baud, 8 databits, 0 parity bits, 1 stop bit, no flow control) තියාගන්න ඕනෙ. මෙතනදි අපි router එකේ backup එකක් අරන් තියගන්න එක කෝකටත් හොදයි. එතකොට මොකක් හරි අවුලක් උනොත් ඒක restore කරන්න පුලුවන්නෙ. backup එකක් ගන්න විදිහ මෙතනින් බලන්න. එහෙම backup එකත් ගත්තට පස්සෙ අපි අපේ වැඩේ පටන් ගනිමු. ඒකියන්නෙ පහලින් තියෙන command ටික පිලිවෙලින් හරියටෙ දෙන එක.

Router#copy tftp flash

මේකෙන් කියන්නෙ tftp එකෙන් flash එකට copy කරන්න කියලා

Address or name of remote host []? XXX.XXX.XXX.XXX

. මෙහෙම upgrade කරන එක පටන් ගත්තට පස්සෙ අපේ server එකේ ip එක අහනවා. ඒකියන්නෙ අපේ machine එකේ ඒක මෙතනට දෙන්න. ඊට පස්සෙ අහනවා අපේ tftp server එකේ මොන file එකද copy කරන්නෙ කියලා. ඒකට ඔයාගෙ image file එක දෙන්න.

Source filename []? cXXXX-X-XX.XXX-XX.bin

 ඊට පස්සෙ මෙන්න මෙහෙම අහනව ඒ file එකට දෙන නම මොකක්ද කියලා. එකට තමන්ට හොයාගන්න පුලුවන් නමක් දෙන්න. මම නම් default එකම දුන්නා ( ඒ කියන්නෙ enter ගැහුවා ).

Destination filename []? cXXXX-X-XX.XXX-XX.bin

ඊට පස්සෙ අපෙන් අහනවා තියෙන එක erase කරන්නද කියලා. ඒකට y දෙන්න. මෙතනදි තියෙන image file එක erase වෙනවා. ඒකට විනාඩි දෙක තුනක් යයි.

Erase flash: before copying? [confirm]y

ඊට පස්සෙ show versio ගිහින් බලන්න. configuration register value එක මොනවද කියලා. එක 0x2102 නෙවෙයිනම් 0x2102 ට ගන්න පහලින් තියෙන command එක ගහන්න. මේක ගැන නම් මටත් ඒහැටි isea එකක් නෑ. ඒත් ඒක එහෙමලු ;) .

Router(config)#config-register 0x2102

දැන් අපි අපි දාපු image එකෙන් මේක boot කරන්න ඕනෙ. ඒකට පහලින් තියෙන command ටික ගහන්න.

Router(config)#no boot system

Router(config)#boot system flash cXXXX-X-XX.XXX-XX.bin 

දැන් තියෙන්නෙ හුගක් තීරණාත්මක අවස්ථාවක්. මෙතනදි configuration save කරන්න අහනවා. y දෙන්න ඕනෙ ඔයාට show run.. කරන කොට full running configuration තියෙනවා නම් විතරයි.

Router#reload

System configuration has been modified. Save? [yes/no]: y 

Building configuration...

[OK]

Proceed with reload? [confirm]y

දැන් ඉතින් show version දීලා වැඩේ හරිද බලන්න. මම reload වෙනකන් ආවෙ command prompt එකේ පස්සෙ මගෙ connection එක lost වුනා. ඊට පස්සෙ වැඩ කලේ putty වලින්. මම කරපු steps තේරුම් ගන්න screen shots ටික පහලින් දාන්නම්. එතකොට තවත් පැහැදිලි වෙයි.

මේ තියෙන්නෙ මම පාවිච්චි කල tftp server එක. ඔය c1700.... කියන්නෙ මම දාන්න යන flash file එක.

මේ තියෙන්නෙ මම දීපු command ටික පිලිවෙලින්.

වෙනදත් කියනවා වගේ කරලා බලලා comment එකක් දාන්න. ගිහින් එන්නම්.